Hugarheimur litlu-tritlu

2006-05-20T00:30:00.000Z

Vá það er langt síðan síðast......
Við erum að tala um meira en ár frá því að ég bloggaði síðast og er ég nokkurn vegin viss um að fólk sé löngu hætt að nenna að kíkja á síðuna mína og athuga hvort ég sé orðin eitthvað duglegri við þetta blogg dæmi.
Máið er bara svo einfalt að þegar ég sest fyrir framan tölvuna og ætla mér að skrifa eitthvað voða sniðugt og segja frá öllu þessu skemmtilega sem er að gerast í mínu lífi að þá bara gerist ekkert.
Ég einfaldlega bara sit og horfi á lyklaborðið og veit ekkert hvað ég á að skrifa svo bara gefst ég upp og hugsa með sjálfri mér æji ég geri þetta bara á morgun..........
Ef einhver les þessa færslu mína ertu þá með einhverjar hugmyndir hvernig ég losna við þessa blogg fælni? Veit samt ekki hvort þetta sé fælni en við skulum þá kalla þetta blogg stíflu. Öll ráð eru vel þegin.
Hvað gerið þið hin þarna úti sem eruð svona dugleg að blogga??????

Kveðja
Ein í vafa........

2005-01-28T17:01:00.000Z

Tími til komin..........

Já ég veit ég er ekki dugleg að blogga það bara er ekki komið inn í þessa daglegu rútínu hjá mér að blogga.......(afsakanir , afsakanir.....)
Tók þá ákvörðun núna í vikunni að skella mér til Noregs um páskana meira að segja búin að bóka flug og allt fer 23mars og kem aftur 29mars. Þetta er nú svolítið stuttur tími en það er alveg komin tími til að kíkja aðeins í gamla heimalandið.
Svo er ætlunin að skella sér á hið árlega þorrablót á Hellu sem er 12feb að ég held...og er ég búin að dobbla Jónínu með mér...(múahahahaha ekki einu sinni halda að þú komist undan því) og ég held meira að segja að ég hafi náð að plata Bylgju með líka eftir gærkvöldið...(eða hvað Bylgja?????) þannig að það verður gaman að sjá hvað verður úr því.
Það er búið að vera crazy að gera hjá mér í vinnuni eftir að ég byrjaði að vinna í Keflavík alveg endalaus yfirvinna sem ég er alls ekki að kvarta yfir því eins og allir vita því meiri yfirvinna því meiri $$$$$$$ eller hva???? og þessi mánuður er bara gjörsamlega búin áður en mar nær að núa sér við , þetta er bara alveg rosalegt......
Og eins og svo oft áður að þá er komin föstudagur og ég ennþá í vinnu og kl að verða hálf 6 sem segir mér einfaldlega það að það er komin tími til að drulla sér heim úr þessari Keflavík.
Og nota hér með tækifærið og segi við ykkur öll hver sem þið eruð og hvar sem þið eruð
GÓÐA HELGI
og gangið hægt um gleðinnar dyr (og þá sérstaklega Jónína sem ég held að sé að fara að missa sig í íslensku brennivíni)

Þangað til næst (hvenær sem það verður)

2004-12-25T19:42:00.000Z

GLEÐILEG JÓL

Ég vil bara nota tækifærið og óska ykkur öllum Gleðilegra Jóla og farsældar á nýju ári og þakka ég fyrir allar samverstundirnar á árinu sem er að líða.......með öðrum orðum ég var ekki dugleg að skrifa jólakort í ár. Þessi jól eru nú bara búin að vera mjög góð , fór austur til pabba á þorláksmessu og er þar ennþá , búin að borða fullt af góðum mat og fékk alveg fullt af pökkum t.d dvd spilara frá systur minni sem ég var mjög ánægð með og borðgrill frá pabba , Bat og litla bróðir (sem by the way er sætasti strákur í heimi) svo fékk ég lítin bakpoka , cd (Ragnheiður Gröndal) sængurver , kertastjaka , náttföt og fleira og vil ég bara segja takk kærlega fyrir mig þetta kemur sér allt að mjög góðum notum..........
Svo er jólaboð hérna hjá pabba á morgun og kemur þá öll famelían hans hingað austur....haldiði að það verði ekki stuð á bænum.............svo eftir það brunum við systur í rvk og hver veit nema mar skjóti á sig nokkrum...þá sjaldan mar lyftir sér upp....... , það verður nú samt ekkert hevy þar sem vinnan kallar daginn eftir......en hver veit...

Ja mar spyr sig..........

see ya

2004-12-17T17:52:00.000Z

SORGLEG

Já get nú ekki sagt annað en að ég sé svolítið sorgleg. Það er föstudagur og ég er búin að stimpla mig út en er samt ennþá í vinnuni og komin á bjór nr2..........how sad is that......
En ég tel mig nú samt ekki vera hér að ástæðulausu, jú þannig er mál með vexti að ég er ekki með tölvu heima þannig að ef ég væri ekki hér þá væru þið ekki að lesa þetta.....æji já ég veit samt sorgleg.......en jæja ætla þá að hætta að vera sorgleg og koma mér heim og gera eitthvað að viti.

Later...........

2004-12-15T18:51:00.000Z

Líf.............
það er eitthvað sem ég á ekki mikið af þessa dagana er að vinna til 7 og 8 á kvöldin , það er gjörsamlega allt að verða crazy í fyritækinu jólin að koma og fyritækið að flytja , alveg valin besti tími ársins til að flytja. Starfið mitt er að flytja til Keflavíkur þannig að 28. desember byrjar mín að vinna í Keflavík og verð að vinna þar á daginn , ég verð nú að játa það að ég hlakka nú bara svolítið til, kynnast nýju fólki og sonna þetta er bara spennandi. En yfir í eitthvað allt annað þá fór ég í heimsókn til hennar Jónínu í gær jújú ég kem inn í stofu og sé þetta líka fína jólatré en VÁ þetta var alveg minnsta jólatré sem ég hef séð svo lítur hún á mig voðalega ánægð og segir: Hvernig líst þér svo á hana Írisi?? haldiði að gellan hafi ekki skírt jólatréð í höfuðið á diggasta lesanda bloggsins hennar. Ég get nú ekki sagt að ég hafi verið eitthvað sérstaklega ánægð en ég gat nú ekki annað en hlegið að þessu því let´s face the fact´s það er nú ekki að ástæðulausu sem ég geng í hábotna skóm, sem verður svo til þess að mar snír sig á báðum ef mar misstígur sig og það er engin lygi..........

jæja búin í bili

Túrúlú

2004-12-14T16:52:00.000Z

Jæja fólkið

Það er víst eitthvað verið að dissa mig fyrir að blogga aldrei og ættu þeir sem það diss eiga að fara hugsa sinn gang og troða fleir jólakúlum á jólatréð sitt eða þurrka af undir rúmi eða hillum í staðinn fyrir að dissa mig og mitt blogg og hananú (sagði hænan og lagðist á bakið). Það er eitthvað verið að reyna að fá mig til að trúa því að jólin séu að koma en ég er ekki alveg að kaupa það ég prófaði meira að segja að setja skóinn út í glugga til að athuga hvort þetta væri satt en það bara gerðist ekki neitt ég fékk bara ekkert í skóinn (allavega ekki þann skóinn ;->)
Haldiði að mín hafi ekki bara dottið í lukkupottin síðasta föstudag og unnið jólatré sem ég by the way veit ekkert hvað ég á að gera við og veit ekki hvað það er stórt því ég er ekki búin að sækja það mér var bara sagt að fara í krónuna í mosó og finna eitt þar og viti menn kannski mar reyni bara að finna eitt sem er jafn stórt og risin hún Jónína og gefa henni það því hún var eitthvað að kvarta yfir því að sitt væri svo lítið að hún kæmi bara 10 jólakúlum á það, hún ætti þá allavega að geta troðið fleirum á það jólatré ef það er jafn stórt og hún múahahahaha
En jæja ég ætla að hætta þessari vitleysu og halda áfram að vinna þetta ætti að duga í bili fyrir þessa dissara eða hvað segir þú JÓNÍNA.........

That´s all
Túrúlú

2004-12-14T14:14:00.000Z

Góðan dag...

Þetta er sjálfvirkur bloggari Írisar.

Hún getur ekki bloggað eins og stendur,

en vinsamlegast skiljið eftir skilaboð.

Vinsamlegst skrifið skilaboð þegar þið eruð búin að lesa bípið.

BÍÍÍÍÍÍÍÍÍÍP

2004-11-09T13:27:00.000Z

Og nú er komin þriðjudagur

Og held ég að þetta eigi eftir að vera svolítið langt blogg!!
Og þvílíka helgi hef ég bara ekki upplifað ég get svarið það. Fór semsagt í sumarbústað og var lagt af stað frá Essó uppá höfða kl:20.30 á föstudag og var þá ferðinni heitið í Varmahlíð þar sem við hópurinn vorum búin að leigja bústað alla helgina. Við vorum komin á leiðarenda kl:23.30 ca og var þá bara strax skellt í sig og farið í actionary stelpur á móti strákum og auðvitað möluðum við strákana enda erum við líka bestar. Þeir voru nú ekkert sérstaklega sáttir við það frekar tapsárir. Svo var farið í pottinn og haldið áfram með taumlausa gleði. Á Laugardaginn var vaknað svona aðeins í seinni kantinum skellt sér útí bíl og brunað á suðarkrók í smá menningarferð ef menningarferð má kalla kíktum í kaupfélagið og rúntuðum aðeins um bæinn og hneyksluðumst á litargleðinni á húsunum svo var bara haldið í bústaðinn aftur og glápt á Shrek 2 sem er alveg snilldar teiknimynd og svo var komið að hápúnkti kvöldsins sem var Murder Mystery leikur og voru þá allir búnir að fá úthlutað hlutverk sem við áttum að vera og fékk ég hlutverk Jaqulina Perry og átti ég að drepa systur mína Mariella Harrison sem ég virkilega hataði vegna þess að hún fékk alla athyglina þegar við vorum yngri og hún var líka búin að sofa hjá manninum mínum Daniel Perry fyrir 20 árum síðan og orðið ólétt eftir hann en því komst ég ekki að fyrr en leikurinn var næstum búin því þá kom Harold Harrison sem var maðurinn hennar Maríellu og sagði mér að hann gæti ekki átt Lucy dóttur þeirra því hann væri getulaus en fyrr í leiknum var ég búin að komast að því að Johnatan sonur minn og Lucy dóttir systur minnar voru í leynilegu ástarsambandi en það sem þau ekki vissu var að þau voru samfeðra þetta var eins og versta sápa og ég semsagt drap systur mína með því að eitra fyrir henni með því að setja einhverskonar eitrað "jöklasalat"sem ég hafði náð í fyrir utan þetta hótel sem við áttum að vera á og setti það í salatskálina. Þetta eitraða "jöklasalat" hafði engin áhrif á okkur hin því hún var með veikt hjarta og dó hún stuttu seinna á mjög dramatískan hátt sem var bara fyndið því það vissi auðvitað engin að hún myndi deyja og ruglaði þetta plönin hjá mörgum. Við vorum öll búin að fá einhverskonar takmörk sem við áttum að ná á meðan leiknum stóð þar á meðal að komast að því hver hefði drepið Maríellu og hvort John sem var semsagt dauður þegar leikurinn byrjaði hefði verið drepin eða hvort það hefði verið slys. Ég veit það er ruglingslegt að lesa þetta en belive you me þetta er bara snilldar leikur og mæli ég eindregið með þessu. Leikurinn stóð yfir frá 19.30 til 00.40 og vorum við öll í karakter á því timabili svo þegar leikurinn var búin þá settumst við öll niður og skáluðum ekki má gleyma því og ræddum það hver við héldum að hefði verið morðinginn. Svo eftir þetta allt saman var bara stjórnlaus gleði og farið í pottinn og notabene potturinn var fyrir 6 manns og vorum við 11 sem tróðum okkur í pottinn og var það frekar þröngt og bara fyndið og var svo bara djúsað fram eftir morgni með nonstop gleði og fullt af drykkjuleikjum.
Þetta var gjörsamleg skemmtilegasta helgi sem ég hef upplifað hrein snilld hef aldrei hlegið eins mikið.
Með þessum orðum ætla ég að kveðja að sinni.

Túrúlú

2004-11-05T08:27:00.000Z

Góðan daginn
Jæja þá er loksins komin föstudagur og helgin komin með öllu sínu veldi...............stittist líka til jóla..........(jóla hvað).......get ekki sagt að mér hlakki eitthvað sérstaklega til þeirra.........en ég ætla nú samt að vera smá dugleg og baka uppáhalds smákökurnar hennar systur minnar áður en hún kemur á klakan.
En Yfir í eitthvað allt annað þá fór ég með bílinn í skoðun í vikunni og viti menn hann rúllaði í gegn án nokkura athugasemda og eigandin var mikið fegin...........Ég og Arnhildur skelltum okkur á tóleika í gærkvöldi með Andreu Gylfa og Gospelsystrum og voru þettta einhverskona blús/soul tónleikar og ekkert smá flott bara gæsahúð og allur pakkinn stelpan kann sko að syngja.
En jæja besta að fara að gera eitthvað í þessari vinnu.
Góða Helgi

Túrúlú

2004-11-04T16:29:00.000Z

Sælt veri fólkið..............
Og aðeins of langt síðan síðast.......gengur illa að temja sjálfa mig
en allavega þá er nú ekki mikið nýtt að frétta af mér eins og vanalega......lífið er bara ein stór rútína........
Er nú samt að fara í sumarbústað um helgina enda líka afmælishelgi......þá sjaldan mar lyftir sér upp.........og er leiðinni heitið í varmahlíð og erum við 12 stk sem förum saman þannig að það á nú alveg örugglega ekki eftir að vera leiðinlegt aðeins skvett í sig og sonna............heitur pottur og læti bara............
allavega segi þetta gott í bili ætla að koma mér heim úr vinnuni.

Túrúlú

2004-08-27T13:07:00.000Z

Adeins að testa smá..................

2004-08-27T11:59:00.000Z

Hummha

Það er ekki til umræðu að tala um það hvað það er langt síðan ég bloggaði síðast við skulum ekki ræða það neitt.
Alla vega þá er ég búin að fara til belgíu með vinnuni og búin að fara á kelduna og var þetta allt saman geðveik upplifun vægast sagt. Málið er það bara að þegar ég ætla að fara að skrifa eitthvað hérna þá frýs allt og ég veit ekkért hvað ég á að segja (kannast einhver við þetta)
Annars er voða gott að vera komin inní rútínuna aftur eftir sumarfrí sem var að vísu langþráð það var alveg komin tími til að hlaða batteríin.
Alla vega þá ætla ég að reyna að vera duglegri að blogga og gera síðuna kanski aðeins betri fá inn komment og svona..........þyrfti helst að komast í smá blogg kennslu er einhver sem byður sig fram????

Túrúlú í bili og þangað til næst..........

2004-03-04T17:19:00.000Z

Jæja allir þið útí heimi hvar sem þið eruð!!!!
Ég biðst innilegar afsökunar á því hvað ég er ekki búi að vera dugleg að skrifa hef bara einhvernveginn gleymt því er nú reyndar ekki með tölvu heima þannig að ég verð að gera þetta í vinnuni og það er bara búið að vera kaos þar.
Fór út að borða með vinnuni síðasta laugardagskv. á rauðará og fengum við okkur öll matseðilinn sem vann food and fun keppnina geðveikur matur hef bara ekki borðað eins góðan mat og rauðvinið sem við fengum með klikkað gott og svo var fylleri á eftir í boði DHL bara gaman (",)
Er svo að fara á árshátið í vinnuni 28 mars á hótel flúðum og svo um hvítasunnu helgina förum við til lommel í belgíu á fótboltamót DHL út um allan heim og verður það örugglega mjög gaman.
Hefur einhver ykkar sem búið á klakanum hitt Stínu eftir að hún kom heim???
Hei ekki má gleyma að svo verður farið á Roskilde festeval í sumar (geggjað)
búin að kaupa flugmiðann út en er ekki búin að kaupa miðann inn á festivalið verð visst að gera það á næstunni.
Jæja ætla að halda áfram að vinna er að næla mér í nokkra yfirvinnu tíma

Túrúlú í bili.

2004-02-10T19:33:00.000Z

Halló snúllurnar mínar

Ég veit ég veit ég skulda blogg!!!! hef bara ekki haft tíma til að skrifa neitt bara búið að vera dramatík og vesen síðast liðnu vikur. Hafði nú samt tíma til að skella mér á grímuball á Hellu og var það bara aldeilis ágætt ball var nú samt ekki í grímubúning en það voru nú þó nokkrir sem mættu í grímubúning þar á meðal Pálmi Sævar sem mætti klæddur eins og kóngur og vann titilinn besti búningurinn og fékk risa bjórflösku í verðlaun m.a.s hljómsveitinn var í grímubúning og hélt hún uppi góðri stemmingu að mér fannst. Viti menn ég skellti mér á skíði síðusta sunnudag í bláfjöllum með Heiðari frænda og Davíð ég var gjörsamlega búin að gleyma því hvað það er gaman að fara á skíði það var frekar kalt mar varð vel kaldur og útitekinn í framan.
Skellti mér líka í klippingu síðasta fimmtudag og er nú orðin vel stuttklippt aftur með gylltar strípur mjög flott og dýr klipping fannst mér en alveg þess virði og löngu tímabært fannst mér.
En jæja nóg í bili.

Túrúlú

2004-01-27T13:19:00.000Z

Heisan allehopa

Jæja þá er kominn þriðjudagur ég get svarið fyrir það dagarnir þeir fljúga áfram mar er ekki fyrr búin að snúa sér við þá er komin helgi aftur.Fór á djammið á föstudaginn með Arnhildi og Sigrúnu vinkonu hennar sem kom oft með henni austur hérna í denn þið munið örugglega eftir henni. Við skelltum okkur í bæinn á smá pöbbarölt og enduðum svo auðvitað á glaumbar og dönsuðum af okkur skóna þar rosa gaman það er mjög langt síðan ég hef dansað svona mikið.Ég veit ekki hvað það er en ég virðist laða að mér svertingja ef ég er einhversstaðar að dansa alveg ótrúlegt.
Smá skilaboð til Tinnu í Norge það er bara ekkért krassandi slúður sem ég get sagt þér ekki svo ég muni allavega ég skal reyna að fara lifa skemmtilegri lífi svo ég hafi eitthvað slúður handa þér (",) er að fara á Hellu næstu helgi kannski verður eitthvað smábæjar slúður eftir það.
Las á blogginu hennar Lilju í gær að hún ætlar að fara á þorrablótið á Hellu eru einhverjir fleiri sem ætla að fara?? Er mikið að spá í að skella mér.
Jæja nóg í bili mar verður visst að vinna líka

Túrúlú í bili (",)

2004-01-23T09:27:00.001Z

Góðan daginn og gangi ykkur allt í haginn (",)

Jæja þá er loksins kominn föstudagur eftir langa viku og mikið verður nú gott að sofa út á morgun. Það verður nú samt ekki gert mikið um helgina er á kúpunni eins og flest allir í janúar en á samt 10.000 inneign í smáralind sem ég fékk í jólagjöf og hugmyndin var að fara með Davíð og reyna að finna mér einhver föt þannig að austur ferðin verður að bíða betri tíma. Ég get svarið fyrir það ég á ekkert líf sit og horfi á lyklaborðið og veit ekkert hvað ég á að skrifa. how sad is that!!! en jæja ætla að halda áfram að vinna!!!!

Túrúlú í bili (",)

2004-01-23T09:27:00.000Z

2004-01-21T19:12:00.000Z

Heisan alle gutter og jenter
fór í smá blogg kennslu og loksins er hægt að komast inn á síðuna mína það var eitthvað pikkles í gangi en vitið menn allt komið í lag og Iris loksins komin með blogg. Undur og stórmerki gerast þá ennþá =)
Góður matur hjá mér í kvöld er heima hjá Helgu systir hennar mömmu og ég og kallinn hennar erum að sjóða okkur saltað hrossakjöt ummm nammi namm
og hitt skrítna fólkið á heimilinu fær sér kjúlla því þau borða ekki hrossakjöt eða eru í geðveiku átaki(likami fyrir lífið).
annars er voðalega lítið að gerast hjá mér þessa daganna bara same old same old vinna borða sofa og djamma inná milli.
Er að spá í að fara austur um helgina og vera aðeins með pabba og co , vesenast eitthvað með litla brósa (bara yndislegur ).
jæja kjötið er klárt semsagt maturinn er tilbúinn.

Túrúlú =)

2004-01-15T13:45:00.000Z

Hei allehopa

Vitið menn þetta gat ég ligga ligga lái =)
Og svo er það að vita hvað ég á að skrifa það er aftur á móti annað vandamál greinilaega ekki mikið sem gerist í mínum heimi!!!! sad but true!!!!!
Alla vega þá skellti ég mér á djammið með Heiðari frænda og kærasanum hans síðasta laugardagskv og það var mjög skemmtileg upplifun mjög sérstakt að djamma með hommum verð nú bara að segja það =)
Og auðvitað skellir mar sér á idol-djamm annð kvöld ehaggi =) mar klikkar ekki á svona löguðu alla vega ekki djammfíkillinn ég!!!!! Og fyrir þá sem fylgjast með Idol þá vinnur KALLI bara láta ykkur vita!!!!!!!

Túrúlú í bili alla vega

2004-01-15T13:44:00.000Z

hæ hó